Joulupostia sulle ittelesti!

Jako
mie aattelen tätä meän ja teän elämää: keskeneräsiä aikusia, kurittomia
kakaroita, pyykin pesua, vaatteitten miettimistä, ruuan hommaamista,
toisten alentamista, vertailua, pilkkaa, tylyä kohtelua, kilpailemista,
epäoikeuenmukasuutta ja erilaisuuen sietämistä ja sietämättömyyttä,
mahottomia toihveita ja epätoellisia vaatimuksia, loputonta tekemistä,
väsymistä ja pelkäämistä. Hyväksymättömyyttä ja rakkauen puutetta. Ulkopuolisuutta ja ilkeitä sanomisia.

Yritystä ymmärtää. Yritystä luottaa ja uskoa. Kaipuuta, että joku
ymmärtäs, joku auttas ja tekis puolesta. Toivoa, että oltas eheämpiä,
viissaampia ja terhveempiä ja kypsempiä ja jotenki elämä parempaa ja,
että tulis hyvä joulu.

No, mutta nyt rakhaat rintamäkeläiset
ja sie ihminen, joka luet tätä,
sehän on se joulu jo ovella
ja miepä nyt toivon meille – armollista joulua!

Semmosta joulua,
joka on aivan ommaa luokkaansa!
Tai luokattomuutta.
Siis ihan vappaasti semmostako sie itte haluat!
Semmosta Jouluako sulle on mahollista.
Ja mulle.

Niin hyvä tavatonko tämä elämä on ihanaa!
Mie ja sie itte olema ihania.
Met olema kumpiki uppein ja paras ihminen.
Paras ja ja ihanin ihminen.
Omassa maailmassa itte kukaki paras!

Rakastama itte itteä emmäkä välitä mistään!
Alama kaikkia ja kaikki saa rakastaa meitä!

Kiittävin, Onnellisin ja Rakastavin Hyvän Joulun Toivotuksin
Hilkka Laronia