Lähtölaulu kenkäin kans

 

Saaphaat jalassa tai avojaloin
Joskus mie ittekki sitte täältä lähen
Voitta värssynne sitte kirjottaa
Ei älkää sitte ennää mulle kirjattoko mihtään
Nyt heti vaan
Ja ittellenne kans
Ja meile yhteiseksi mieluiten
Nytton aika meän yhteisille värssyille
Nyt rakhaat just nyt

Mie laulan nyt teile
Tämä päivä on meile
Minun siskoille ja veljille
Supernaisille ja miehille
Silmissä kultaa
Aikaa koko elämän

Mitense KaijaKoo laulokhaan
Mie laulan nyt nuitten porstuan kenkien kans
Net kertos monta tarinaa
Monta elämäntarinaa
No solis nyt se porstuan kengät rivhiin
Eikö korkkarit kathoon
Semmosinako olhaan

Yhen työpaikka on Vainola
Toisen koti Sointula
Yhellä monta mustaa vuotta
Ittessitä pittää vetheensä sukeltaa eikä suotta

Tämä se päivä on
Ei tule toista tätä kessää eikä tätä päivää
Eikä niitä saa lissää rahalakhaan
Nyt rakhaat nyt
Nyt nautima ja jokhainen itte
Tämon meän yhteinen retki
Mutta jokhaisella oma hetki

Olhaan toistemme hyviä haltijoita
Mutta hallittema vain ommaa elämää
Mutta emmä voita
Voitettu alkaa velkohmaan
Elämätön elämä on pahinta

Jumaloi ommaa elämäästi
Älä jumaloi omia kahjoperiaatteitasti
Anna mennä ja lennä
Jos kompastut, nouse ylös
Aina voi alottaa alusta

Minun siskot ja veljet
Silmissä kultaa
Aikaa koko elämän

– Hilkkapien ja Lähtölaulu porstuan kenkäin kans!

hilkkalaronia

LION Maailman paras ja ainoa Hilkka Anneli Laronia. Kaikilla ihmisen oikeuksilla. https://laronia.com/

Ilmoita asiaton viesti

Kiitos!

Ilmoitus asiattomasta sisällöstä on vastaanotettu