Ko kaikkensa antaa

Siinei sitte ennää kysytä, ooksie ulkopuolela vai sisäpuolela, kuuluksie joukhoon vai ooksie ees mikhään, ko kaikkensa antaa!

Ei siinäkhäänko yks kaunis prinsessamorsian pussaa maallikon kans erämaassa, korpimaisemassa eikä kenenkhän pitäs nähä, niin Aripa näkkee Madeleinin suudelman ja tekkee alsistisen taulun. Tai siinäkö Sandy kattelee myrskyn jälkheen veen pintaa, kurki ui tai koirat soutuvenheestä kattelee purjevenettä  Pohjois-Karjalassa Höytiäisen Sikoselällä.

Entäs siinä, kysythäänkös siltä pikkulinnulta haluaksie tätä 30 astheen pakkasta, ei kysytä ei, son menoa ja meininkiä, ko on tänne syntyny, niin vaikka met rikhaat suomalaiset emmä misthään ole tyytyväisiä. Eikä vaikka ei sitä Sipilää vieläkhän mishään näy eikä ainakkaan Kempelheen pääkirjaston näyttelyssä vieraskirjhaan ole nimeään kirjottanu.

Sipilää ei näy eikole kirjottanu, mutta Ariapa saa nähä ja Ari kirjottaa ja naamanki voi nähä ihan vaikka ees siinä vieraskirjassa, jos selviää kattohmaan.

Ari on taulunsa maalanu ja näyttelyn hommanu monien muitten projektien lomassa ja sivussa ja muutenki tekkee kaikenmoista, mistei tälläkhän foorumilla ole vielä puhutta mithän. Ihanaa, rakastettavvaa, kovapäistä, syämmellistä, rehellistä, jaksavaa ja ahkeraa Aria voima porukalla kiittää ja kunnioittaa ja asioita voi aina ottaa puhheeksi uuesthaan, josson kysyttävvä. Kaikki hyvin ja elämälle kiitos loisto yhteistyöstä!

Rapatessa roiskuu, ko kiittää yhtä, jää toinen kiitosta vaille.  Kiitos UusiSuomi, kiitos kaikki vuorot ja vuorolaiset, niin ja Kempelheen kirjasto ja erityismaininta sulle Ari, sie piät henkeä yllä täällä ja tuolla ja joka puolla, eläkööön ja loistakhoon itte elämä!

 

Ilmoita asiaton viesti

Kiitos!

Ilmoitus asiattomasta sisällöstä on vastaanotettu