Kävelemä vain etheenpäin

Haistelee ilmaa
Antaa sen tuntua siltä, miltä se tuntuu
Ei iloitte eikä vihastu
Kävelee vain etheenpäin

Tuntee vaatheensa itteä vasten
Antaa painaa tai puristaa
Jättää senki tuntheen sitte siihen
Kävelee vain etheenpäin

Tuntee liikheensä
Tuntee ryhtinsä
Jattää nekki tuntemukset
Kävelee vain etheenpäin

Näkkee valon semmosenako se näkkyy
Aurinko tai katuvalo
Antaa tapahtua, valon olla niinko on
Kävelee vain etheenpäin

Kävelee ja tuntee askelten rytmin
Tuntee kävelemisen tempon
Ei muuta tahtiansa
Kävelee vain etheenpäin niinko kävelee

Kävelee johonki ja sieltä takasin
Tai kiertää reissunsa
Kävelee vain etheenpäin

Tullee ovesta sisäle tai mennee ulos
Lämpötilat muuttuu ja tuulet kääntyy
Tuntee, aistii, kokkee omissa nahoissansa
Antaa aistimusten ja kokemusten jäähä siihen
Kävelee vain etheenpäin 

Son semmosta tämä elämä
Kävelhään vain kaikin etheenpäin 

Seuraama tilannetta
Emmä jää mihinkkään kiini
Emmä vähästä kummasta muuta mithään
Kävelemä vain etheenpäin

Jos jotaki muuttuu tai itte muutama jotaki
Annama muutoksen tuntua
Tunnema kaikki tuntheet
Jätämä net sitte siihen
Kävelemä vain etheenpäin

Kävelemä ja rakastama
Ja itteä ensin
Niinko meile itte kellekki mahollista on
Kävelemä vain etheenpän!