Ilmeisen äärellä

Ilmeisen äärellä

Ilmiöitten ja asioitten
takana, eessä ja ympärillä
on ussein käärepaperit,
jokkon muut kääriny
tai porukala käärimä
tai mie itte kääriny,
itteltäki vaivihkaa.

Kuinka helposti sekkaannun
ja reagoin käähreissiin,
net sekottaa mun pään
ja alkaa melskaus,
tuntheita riittää
ja vaikka toellisuus,
se ilmeinen ois nokan eessä,
mutta se katoaa tai vääristyy.

Pää ei pysy milhään pinnala
ja itte asia hukkuu,
mie hukun,
räpiköin ja pyörin päälläni
aivan ouvvoissa hommissa.

Henggitä Hilkka, henggitä,
hengitä ja rauhotu,
kattele rauhassa maaimaa
ja anna käytännön elämän kertoa,
mistä syrjästä sinun kantsii
alkaa päivän duunit,
jipii, kiittävät, siunaavat
ja rakastavat terffeiset.

– Hilkka Laronia 4.3.22 klo 8:46

Kirjotan kirjaa #älänujerru
https://www.laronia.com #saajakaa