Mahollisuuksien vuosi 2024

 

Mahollisuuksien vuosi kakstuhatta kakskymmentäneljä

Jossullon voimia,
anna toisilekki
ja jossullon rauhaa,
rakasta vihollisia.

Älä vaiha ommaa tottuutta
sulle tyhjänpäiväsheen
ja ittelesti sisällöttömhään.

Älä ota vasthaan sitä,
mikei kiinosta eikä innosta,
ei milliäkhään semmosta,
mikeijjoo hauskaa.

Jako ei-hauska ossuu kohale,
älä jää siihen,
ohita se,
ohi vaan ja kato
tulehvaan hetkheen
ja ala tekheen
jotaki kivvaa,
sullon lupa siihen.

Siirrä ittesti
semmosenhaan
ja siinä tilassako oot,
uutheen tilhaan,
sinne, mitä itte
haluat, ihahnaan
ihanien asioitten maailhmaan.

Meisson salasia voimia,
kantavia energioita,
uutheen lähtemistä
ja meisson yhä
luottavaisempi ihminen.

Mooma taihvaasta saatu,
mahtavasti kerätty,
ehtymätön eväskori,
jollon somat ja omat
käet ja ketarat
omaksi ja rakhaitten
onneksi ja siuhnaukseksi
ja koko maailman ravinnoksi.

Senkalu viekhöön,
kyllä meän häätyy vielä
tohtia ja toittaa,
suu ja silmät reuolhaan,
syynätä ja höröstellä
omia ja maailman
mahollisuuksia
ja tehä sitte se,
mitä itte haluama tehä.

– Hilkka Laronia, Oulu 27.12.23 klo 14:14

Kirjotan kirjaa Älä nujerru  https://www.laronia.com/

hilkkalaronia

LION Maailman paras ja ainoa
Hilkka Anneli Laronia,
asunu 35 vuotta Oulun kaupungissa,
syntysin Tornionlaaksosta, Alatorniolta,
ensimmäisen polven Pöykkö,
toisen polven karjalainen Viipurista
ja kolmannen polven Vienan karjalainen,
kaikilla ihmisen oikeuksilla.

https://laronia.com/

Ilmoita asiaton viesti

Kiitos!

Ilmoitus asiattomasta sisällöstä on vastaanotettu