Mitä miolinkhaan hakemassa

Mitä miolinkhaan hakemassa

Sitä saa, mitä tillaa
ja anovalle annethaan,
turha äitile kaunaa kantaa,
ihmisistä ärsyyntyä,
loputtomasti loukhaantua,
pelätä ja vastustaa.

Tulis vain ymmärtää,
mitä tuli tilattua,
mitta-tilhauksena anottua,
mitä kaikkea mie oonkhaan
tullu täältä hakheen,
ko tänne synnyin.

Täälä ellää ja erehtyä,
vaikeukshiin perehtyä,
harmaat kivet selvittää,
itte ovet aukasta ja sulkea,
valosat polut itte kulkea.

Tätä kaikkea mie oon
aina halunu täälä tehä
ja tähet vain loistaa
koko ajan kaiken yllä.

Kirjotan kirjaa Älä nujerru https://www.laronia.com/