Ohutnahkainen tyttö

Se tullee vasthaan
ilman askelmerkkejä,
kävelee tyhjän pääle
ja mennee heikole jääle.

Se ellää reunailmiöissä,
mahollisuuksissa,
ideoissa ja asioissa,
ja son tyttö, joka löytyy
marginaalista.

Ei se vempuloi
eikä manipuloi,
ei haali seuraajia
eikä sitä kannatte uskoa.

Se samanen tyttö on tuntenu
olemattomuuen ja toiseuen,
häpeän ja kipeän,
menettämisen pelon
ja yksin jäämisen kauhun.

Se tyär on nähty,
ja son nähny paljon
ja son sinisilmänen
ja vieläki ripasilla
ohuen nahkasa kans
ja tietää, ettei tiä.

Kirjotan kirjaa Älä nujerru https://www.laronia.com/