Rauha on jo täällä

Rauha on jo täälä

Tekopyhittynheitä hyväntekijöitä ja hyvvyystaistelijoita maailma täys, mutta aito tottuuellinen onnellinen eläminen on vahvempi voima.

Tarvithan vain vähän kilttejä luottavaisia taviksia uskohmaan, että rauhaa on jo täälä ja rauha on täälä ja siton paljon.

Kohta siis maailman rauha on, kestämä vielä vähän ja huomaama, että taivas on jo käsinkosketeltavana ihmisten ellää omassa koissa terfeenä oman elämänsä totteuttajana.

Tunnoton propaganda manipuloi, lietsoo meät sekopäiksi, tiuhhaan tahtiin vaihtuvat kriisit pelottellee ja saa uskohmaan mitä vain, puolesta ja vasthaan, vaikkemmä tiä, mitä oikeasti on tapahtunu ja tapahtuu.

Met kähisemä tekopyhinä hyvvyyksien puolustajina, tottuustaistelijoina ja oikeuen jakajina, jopa keskehnään toisia vasthaan.

Sen sijhaan, että ottasima ittestä kiini, pitäsimä ittestä ja lähheisistä hyvvää huolta, oisima ilosia ja vilpittömiä pikkutyyppyjä, jokka keskittyy ja tekkee omia pikkusia käytännöllisiä elämänsä tehtäviä.

On kovvaa hommaa pysyä avvoimesti ittessä, ohjautua sisältä päin, kokea ja ellää ommaa rehellistä toellisuutta.

– Hilkka Laronia

Kirjotan kirjaa Älä nujerru http://laronia.com