Salattu maailma

 

Maailma ja elämä kyssyy ääretöntä luottamusta ja uskoa elähmään ja itheensä ja varsinki niinä ja näinä aikoina, ko alkaa nähä.

Maailma on täynä salhaisuuksia ja valoa, jota met itte emmä taijja tajuta emmäkä hahmottaa paljoakkaan. Emmä ees aavista kuin vähän siittä kaikesta, mikä on.

Eikä meän tartte enämpäänsä tajuta. Kaikki hyvin. Ja paremminko eilen, vaikkei siltä tuntuskhaan. Mie uskon loputtomasti ihmiskunnan suuhreen syähmeen ja että päivä päivältä paremmin.

Täälä maailmassa kaiken aikaa jokku ihmeelliset, salaperäset lainallaisuuet järjestää kaiken jotenki jumalallisesti ja pikkutontut ja keijjut vinkkaa tai jopa tönnii meitä, tuone tai tänne päin – ja kaikki hyvin.

Ja on paljon tunnollisia ihmisiä, jokka haluaa auttaa ja pelastaa maailmaa ja itteä ja toisia.

Ja met ihmiset saama merkityksellisyyttä elähmäämme mitä erikoisimmilla konsteilla. Jopa kiukusta saa merkityksellisyyttä ja energiaa, mutta jonaki päivän, sei ennää toimi. Yks on just maailman pelastaminen ja ihmisten auttaminen kovakourasesti ja runnomalla.

Pitäs olla hellävaranen ja just siksiko maailma on oikeasti hyä, kaunis ja oikeuenmukanen ja ihan just nyt ja näinko son.

En usko enkä halua ihmisten vänkäämistä, manipulointia enkä pakottamista.

Ei meän tartte muuttaa, parantaa, kaehtia, kostaa, ahnehtia, vihata eikä yrittää rankaista mithän eikä kethän. Ei ees aatella semmosia, rakastaa, kiinostua ja innostua ja tehä se, mitä tehä pittää. Täyttää oman paikkansa.

Elämällä on omat syvät voimansa, joita sanon ussein Jumalaksi. Jumala pittää yllä semmosen järjestyksen, etten ota omhaan kätteen tuommosia duuneja eikä kenenkhään kait tarttis ottaa. Kiittää ja kunnioittaa vain.

Jumala hoitaa homman ja mie elän johatuksessa ja tehen rauhassa ja iloissani sitä, mitä minun pikkukuplassa elämä nokan etheen tuo. Kiitosko saan tehä.

Niin ja alussa oli sana ja siittä pääsemä vaphautteen, jokon mulle rakastamista eli sananvaphauesta se lähtee ja siinä se jatkuu, rakhaus.

No mikä jumala moon arvioihmaan tai arvostelheen Luojan kaunista maailmaa, en mikhän.

Keveää joulumieltä teilekki, luotama johonki isomphaan ja otama rennosti. Rakastama toisia ja itteä kans. Elämä kaikin porukalla johatuksessa ja rakhauessa, jee ja kiitos ja Jumalan siuhnausta ja suojelusta.

Kirjotan kirjaa #älänujerru
https://www.laronia.com #saajakaa

 

+3
hilkkalaronia

LION Maailman paras ja ainoa Hilkka Anneli Laronia. Kaikilla ihmisen oikeuksilla. https://laronia.com/

Ilmoita asiaton viesti

Kiitos!

Ilmoitus asiattomasta sisällöstä on vastaanotettu