Uus maailma on jo täälä

Uus maailma on jo täälä

Emmä met vanhan maailman uhrit
emme met jaksa emmäkä ehi,
emmä tohi emmäkä saata,
ko meän häätyy ja pittää itte
osata, tietää ja taitaa kaikki.

Kärsimystä riittää,
kroppa kiristyy,
nuttu virttyy,
vauhti kiihtyy,
silmät vässyy,
syän hyytyy,
ajatus uupuu,
mieli luutuu
ja kiven takkaa
löytyy mytty.

Enkeli kokoaa uupuhneen,
pessee ja pussaa,
silittää unheen
ja sinä yönä kuulen
oman elämän laulun.

Laulu valasee kaiken
enkä oo varjo
oman elämän eessä,
oon se valo,
joka mie oon.

Valon maailmassa
mie uskallan ja luotan
niinko taihvaassa,
jossei uhriutumisen vaaraa,
ei loputtomia vaatimuksia,
ei pelkoa, ei vihhaa,
ei hyyää, ei pahhaa
vain olemisen riemua,
ja mie mie ja sie sie
ja kaikkien laulut soi yhtheen.

Kirjotan kirjaa Älä nujerru https://www.laronia.com/